|
SubscriptionsSites I Read
|
|
|
|
| 9月1... 開學日, 都好耐冇試過呢個意義重大既日子! 由呢日開始, 正式踏入讀msc既階段! 頭一堂都ok, 係星期一果個lecture theater 熱,鬼死人, 其他日子都ok. 同埋有時要係大陸趕落黎返學都幾辛苦, 好在公司比早走! 開始讀書要抽多d時間睇書, 而家每星期既計劃係: 一至五---日間返工, 夜晚返學
六同日---日間睇書, 夜晚做gym 完全圭填滿晒, 唔駛亂諗其他野! | | |
| 6月28.... 又係網友飯局日 呢日個主角想打牌, 但3缺1, 於是我去左灣仔間潮州酒樓打, 點知原來佢地打台牌, 好唔慣, 同埋太多規側好煩, 都係廣東牌岩我呢d廣東人! 跟住12人一齊食潮州菜, 然後落bar飲野, 鋤dee + 切蛋糕! 間bar叫Explode, 第一次去果度, 好熱... 坐到成3點走人! | | |
| 6月20... 去左個生日飯局, 今次係去泉章居食, 唔知係唔係肚餓, 覺得今次食d野好食d, 條鯇魚好滑, 比我食左大半! 哈哈! 之後去左search坐到12點幾, 然後去左打通宵牌... 打到朝早5點幾! 6月21... 成朝早7點先返到屋企! 不過落左成個月雨, 呢兩日開始好天, 可能係夏至掛! 一直到想去晒太陽, 所以呢日瞓左4個幾鐘, 就再去返cwb食車仔麵, 再坐van入南區. 可能係星期六, 中灣唔多人, 不過好猛太陽! 晒到4點半就離開去食tea, 原來星期六係冇咩車去cwb, 唯有坐260去金鐘食麥記算! 之後過番tst做gym同食晚飯. 呢兩日真係過得好充實! 呵呵呵~~~ | | |
| 6月9... 端午節 尋日瞓到下晝4點...好正! 不過今日瞓唔到咁晏, 但係仲好攰... 今年端午天陰陰冇得去晒太陽, 睇黎呢幾日既節目都係做gym! 陣間叮番隻糯米雞應節先! 哈哈哈~~~ | | |
| 5月12....係佛誕假期! 呢日去左中灣晒太陽, 係今年第一次去晒, 不過好多雲, 時光時暗, 不過都好個係屋企發霉..... 遲下好天d再去過! 當時14:28已經去到沙灘, 原來果時四川發生8級大地震~~~ | | |
|